சுட்டு எழுத்துகள்

 

சுட்டு எழுத்துகள்

      அவன், இவள், அங்கு, இங்கு, அந்த, இந்த ஆகிய சொற்களைக் கவனியுங்கள். அவை ஒன்றைச் சுட்டிக் காட்டுகின்றன. இவ்வாறு சுட்டிக்காட்டுவதற்கு அச்சொற்களின் முதலில் அமைந்துள்ள அ, இ ஆகிய எழுத்துகளே காரணம் ஆகும்.

வகை	விளக்கம்	உரிய எழுத்து	எடுத்துக்காட்டு
அகச்சுட்டு	சொல்லின் உள்ளே (அகத்தே) இருந்து சுட்டுப் பொருளைத் தரும். சுட்டெழுத்தை நீக்கினால் பொருள் தராது.	அ, இ, உ	இவன், அவன், இது, அது
புறச்சுட்டு	சொல்லின் வெளியே (புறத்தே) இருந்து சுட்டுப் பொருளைத் தரும். சுட்டெழுத்தை நீக்கினாலும் பொருள் தரும்.	அ, இ, உ	அவ்வானம் (வானம்), இம்மலை (மலை)
அண்மைச் சுட்டு	அருகில் உள்ளவற்றைச் சுட்டிக் காட்டப் பயன்படுவது.	இ	இவன், இவர், இது, இவை, இம்மரம், இவ்வீடு
சேய்மைச் சுட்டு	தொலைவில் உள்ளவற்றைச் சுட்டிக் காட்டப் பயன்படுவது.	அ	அவள், அவர், அது, அவை, அவ்வீடு, அம்மரம்
இடைச் சுட்டு	அருகில் உள்ளவற்றுக்கும், தொலைவில் உள்ளவற்றுக்கும் இடையில் இருப்பதைச் சுட்டிக் காட்டப் பயன்படுவது. (தற்போது வழக்கில் இல்லை)	உ	உது, உவன்
சுட்டுத் திரிபு	'அ', 'இ' ஆகிய சுட்டெழுத்துகள் மாற்றம் பெற்று (திரிந்து) அந்த, இந்த என வருவது.	அ → அந்த	அம்மரம் → அந்த மரம்
		இ → இந்த	இவ்வீடு → இந்த வீடு